iOS 6-ის მეოთხე ბეტადან YouTube გაქრა

როგორც ცნობილი გახდა გუშინ, iOS 6-ის მეოთხე ბეტა-ვერსიაში აღარ არის წარმოდგენილი YouTube-ის აპლიკაცია — ყოველ შემთხვევაში ამ ბეტაში აღარ არის. მთელი დღის განმავლობაში საინფორმაციო საშუალებები დუღდნენ, სანამ Apple-მა ოფიციალურად არ გაავრცელა შემდეგი ინფორმაცია:

— ჩვენი ლიცენზია YouTube-ის გამოყენებაზე iOS-ში ამოიწურა, ასე რომ მომხმარებლებს ვიდეოს ყურება Safari-ში შეუძლიათ. Google უკვე მუშაობს ამ აპლიკაციის ახალ ვერსიაზე და ის დამატებული იქნება App Store-ში.