iTunes 11 უკვე ხელმისაწვდომია გადმოსაწერად!

Apple-ს განახლებული iTunes უკვე ხელმისაწვდომია გადმოსაწერად. დესკტოპ ვერსიაში შედის ახალი მინი დამკვრელი, რომელიც განკუთვნილია Widget-ის ზომის ფანჯარაში სიმღერების ჩასართავად. "Up Next” მახასიათებელი გამოიყენება სიმღერების მიმდევრობის მსაზღვრელად და იმის სანახავად, შემდეგ რომელი კომპოზიცია მოდის, ხოლო თუკი ვერ გადაწყვიტეთ, რომელი ჩართოთ, Apple-ს სოფტი თავად შემოგთავაზებთ სიმღერებს თქვენი მუსიკალური ბიბლიოთეკიდან მოსმენის სიხშირის, მინიჭებული რეიტინგისა თუ Playlist-ების მიხედვით.

ახალ iTunes-ში გვაქვს ღრუბელოვან მეხსიერებასთან ინტეგრაცია, რომელიც გაძლევთ საშუალებას თქვენი ბიბლიოთეკიდან მასთან დაკავშირებულ ნებისმიერ მოწყობილობაზე დაუკრათ კომპოზიციები.

წარმოდგენილია ახალი დიზაინის წყობა მუსიკალურ ბიბლიოთეკაში. ყველაფერი მარტივად არის დაყოფილი თქვენი სურვილის: სიმღერების, ალბომების, შემსრულებლების, ჟანრების, ვიდეოების მიხედვით, როგორც მუსიკის, ასევე ვიდეო, TV გადაცემების განყოფილებებში.

Preview History – უფრო მარტივია ნანახი მუსიკალური თუ ვიდეო ფაილის წვდომა, ისტორია პარალელურად ინახება ყველა თქვენს მოწყობილობაში ღრუბელოვანი მეხსიერების წყალობით.

კიდევ ერთი უპირატესობა: ჩართული ვიდეო, TV გადაცემა, პოდკასტი, აუდიო წიგნი შეგიძლიათ დააპაუზოთ და მოწყობილობიდან გააგრძელოთ ყურება/სმენა.