სავარაუდოთ თვითონ Electronic Arts-მაც კი არ იცის რამდენი დაუჯდა ეს გაუთავებელი, უმეტეს შემთხვევაში ჩავარდნილი რეფორმები და რადიკალური ცვლილებები. ან რამდენი გულშემატკივარი დაკარგეს და რა რეალური შანსები გაუშვეს ხელიდან, მარა როგორც ჩანს გაჩერებას მაინც არ აპირებენ. ამჯერად საქმე ეხება რამდენიმე სტუდიაზე გადანაწილებულ სქემას. თუ გახსოვთ, ბოლო წლების განმავლობაში სერიის შექმნაზე ერთდროულად რამდენიმე ჯგუფი მუშაობდა მაგ. EA Black Box-მა Need for Speed: Run გამოუშვა, Slightly Mad-მა Need for Speed: Shift და სხვა. დღეიდან კი NFS-ის პოპულარულ და უკვე საკმაოდ რეპუტაცია შელახულ სერიაზე მხოლოდ ერთი სტუდია, Criterion Games-ი იმუშავებს. ბრიტანელების ხელში ჩავარდნილი სერიის თაობაზე, GameInformer-ისთვის მიცემულ ინტერვიუში სტუდიის ვიცეპრეზიდენტმა ალექს ვორდმა ისაუბრა. 

როგორც ჩანს, თამაშის განვითარება უკვე ცნობილი, ოთხი მიმართულებით უნდა მოხდეს - Shift რეალური სიმულატორისკენ გადახრით, World თავის ონლაინ შემადგენელით, The Run სიუჟეტური დატვირთვით და Most Wanted არკადული სენდბოქსი. ამას პლიუს, NFS-ის პარალელურად, სტუდია მათი პოპულარობის მომტანი თამაშით, Burnout-ითაც იქნება დაკავებული. თუ როგორ გაართმევს Criterion Games-ი ამხელა ტვირთის ზიდვას თავს, საკმაოდ საინტერესოა და ამას ალბათ მხოლოდ დრო გვანახებს. მაგრამ ეს თემა მათ პირველ ნაბიჯს, E3-ზე დაანონსებულ და 2012 წლის 30 სექტემბერს მოსალოდნელ Need For Speed: Most Wanted-ს მინდა რო დაუთმო.

 დღეს  წარმოგიდგენთ რამდენიმე დღის წინ E3-ზე დაანონსებულ Quantic Dream-ის ახალ იდუმალებით მოცულ PS3 ექსკლუზე, სახელად Beyond: Two Souls-ს. თამაშის შექმნის პროცესის, უშუალო ხელმძღვანელის როლში, კვლავ ლეგენდარული გეიმდიზაინერი და საკულტო თამაშების შემქმნელი დევიდ კეიჯი გამოდის 
(Fahrenheit, Heavy Rain, Omikron).

Beyond: Two Souls-ის სამი შესანიშნავი პოსტერი


სხვადასხვა ზომის, წონის და წარმომავლობის ნიუსების გადაკითხვის შემდეგ, საკმაოდ საინტერესო დეტალები გავარკვიე და შევეცდები ერთად მოუყარო თავი. ყველაფერი Sony-ს პრესკონფერენციაზე ნაჩვენები მოკლე ტრეილერთ და კეიჯის აბსტრაქტული კომენტარით დაიწყო. ანონსმა უზომოდ დამაინტერესა, მაგრამ კონკრეტული ვერაფერი გავიგე. შემდეგ, უკვე მეორე დღეს, შემთხვევით თამაშის 24 წუთიან გეიმფლეი დემოს გადავაწყდი და სურათი რადიკალურად შეიცვალა.