Tequila Works-ის სტუდია ამ თვეში ანონსირებული ახალი პლადფორმერის Deadlight-ის პირველ დეტალებზე ალაპარაკდა. შეგახსენებთ, რომ თამაშის მოქმედება გასული საუკუნის ოთხმოციანი წლების ალტერნატიულ რეალობაში ვითარდება - ეპოქა როედესაც ისეთი საკულტო ფილმები გამოდიოდა როგორებიცაა "რემბო: პირველი სისხლი" და "მიცვალებულების დღე". მოცემულ პროექტში შემქმნელებმა ამ ორი პროდუქტის ატმოსფეროს გაერთიანება გადაწყვიტეს: მარტოხელა გმირი მტრულად განწყობილ, "ჩრდილებით" (ზომბი მანიაკებად გადაქცეული, ინფიცირებული ადამიანები) სავსე გარემოში გადარჩენას ცდილობს.



და რა, ისევ სროლა და ხოცვა? აღმოჩნდა, რომ დეველოპერებს არ უყვართ უაზროდ დაყენებული სისხლის გუბეები, ამიტომ ზომბების ტონობით განადგურების საშუალება ამჯერად არ გვექნება. რათქმაუნდა, მოთამაშეს არჩევანის საუშალებას დაუტოვებენ, მაგრამ უაზრო სროლა ხშირად სიტუაციის განვითარების ყველაზე უარეს ვარიანტებამდე მიგიყვანთ. სსამაგიეროთ მთავარ გმირს მთელი თავის საზრიანობის, ხაფანგების დასაგებად ფიზიკის კანონების და თავსატეხების ამოსახსნელად სწრაფი რეაქციის გამოვლენა მოუწევს. საერთოჯამში, S.T.A.L.K.E.R. და Left 4 Dead -ის -კამერა გვერდიდან ვარიანტი- მსგავსი თამაშის გამოსვლის იმედი ამოწურულია (პირადად, ცუდს ამაში ვერაფერს ვხედავ).